ՕԳՏԱԿԱՐ

Հինգ համեղ ու հասանելի մթերք իմունային համակարգն ամրապնդելու և օրգանիզմի դիմադրողականությունը բարձրացնելու համար

Իմունային համակարգի թուլացումը խիստ վտանգավոր է և հանգեցնում է դիմադրողանակության անկման՝ դարձնելով օրգանիզմը շատ ավելի խոցելի տարատեսակ ախտածին տարրերի նկատմամբ, ուստի զարգամանալի չէ, որ մասնագետները հորդորում են անպայման միջոցներ ձեռնարկել իմունիտետի անկումից խուսափելու համար։ Իմունային համակարգի թուլացումը հատկապես վտանգավոր է լինում տարվա ցուրտ եղանակներին, երբ վիրուսներն ու տարատեսակ վարակիչ հիվանդությունների այլ հարուցիչներն առավել տարածված են լինում, ինչի հետևանքով վարակվելու հավանականությունը բարձրանում է։ Նման խնդիրներից խուսափելու համար հարկավոր է անհապաղ միջոցներ ձեռնարկել իմունիտետի բարձրացման համար, ուստի ձեր ուշադրությանն ենք ներկայացնում սննդամթերքի լավագույն տեսակները իմունային համակարգի ամրապնդման համար։

Загрузка...

Ծովաբողկ

Ծովաբողկի հիմնական ակտիվ բաղադրիչը սինիգրինն է, որն արդյունավետ կերպով պայքարում է մանրէների դեմ։ Սա է պատճառը, որ ծովաբողկը հաճախ անվանում են բնական հակաբիոտիկ։ Ի տարբերություն դեղատնային միջոցների ծովաբողկի մեջ պարունակվող յուղերը ներծծվում են արյան մեջ բարակ աղիներում, ինչի շնորհիվ էլ շատ ավելի լավ են ազդում։ Տարվա ցուրտ եղանակներին վարակվելու հավանականությունը հնարավորինս նվազեցնելու համար մասնագետները խորհուրդ են տալիս ծովաբողկի արմատն օգտագործել թարմ վիճակում։ Այն կարելի է քերիչով մանրացնել ու ավելացնել տարատեսակ ուտեստներին։ Ընդ որում՝ սառնարանում պահելու դեպքում ծովաբողկը պահպանում է իր թարմությունն ու օգտակար հատկությունները գրեթե մեկ տարի։

Դդում

Աշնանն իմունային համակարգն ամրապնդելու և օրգանիզմը տարբեր օգտակար նյութերով հագեցնելու ամենահասանելի ու արդյունավետ միջոցը սննդակարգում դդում ներառելն է։ Այս մթերքը հարուստ է սելենով, որի պակասի դեպքում անգամ համեմատաբար անվնաս վիրուսները կարող են մուտացիայի ենթարկվել ու վերածվել ագրեսիվ ախտածին տարրերի։ Իմունային համակարգն ամրապնդելու համար հասուն մարդուն օրական 30-70 մգ սելեն է հարկավոր, իսկ մի մեծ բաժին դդումով ապուրը կօգնի ստանալ այս չափաբաժինը։

Ճակնդեղ

Իմունային համակարգն ամրապնդող ևս մի հասանելի ու համեղ մթերք է ճակնդեղը։ Այն պարունակում է բետանին հակաօքսիդանտ, որն ամրապնդում է իմունային համակարգն ու պաշտպանում է օրգանիզմը վարակներից։ Բացի այդ, այն հարուստ է նաև վիտամին С-ով, ցինկով ու սելենով, որոնք նույնպես շատ կարևոր նշանակություն ունեն իմունային համակարգի ամրապնդման համար։ Հաճախ վարակվող ու թույլ իմունիտետ ունեցող մարդկանց խորհուրդ է տրվում անպայման հարստացնել սննդակարգը ճակնդեղով։ Ավելին՝ այն ոչ միայն բարձրացնում է օրգանիզմի դիմադրողականությունը, այլև խթանում է արյունաստեղծ համակարգի աշխատանքը, քանի որ պարունակում է նյութեր, որոնք հարկավոր են արյան կարմիր բջիջների ստեղծման համար։ 

Թթու կաղամբ

Իմունային համակարգի ամրապնդման համար շատ օգտակար է նաև պրեբիոտիկային մթերքը, քանի որ այն հարուստ են աղիների միկրոֆլորայի վիճակը բարելավող կենդանի միկրոօրգանիզմներով։ Սննդամթերքի նման տեսակների շարքին է դասվում թթու կաղամբը։ Ավելին՝ այն լավագույններից մեկն է, քանի որ ընդամենը մեկ գրամում պարունակվում է մոտ մեկ միլիարդ կենդանի կաթնաթթվային բակտերիա։ Այս մթերքը սննդակարգում ներառելը թույլ է տալիս պահպանել իմունային բջիջների ակտիվությունը, որոնք էլ արյան ու ավշային համակարգի միջոցով տարածվում են օրգանիզմում՝ բարձրացնելով դիմադրողականությունն ու պաշտպանելով տարատեսակ վնասակար տարրերից։

Չիչխան

Չիչխանն ամենաօգտակար հատապտուղներից մեկն է և պարզապես անփոխարինելի է իմունային համակարգի համար։ Այն վիտամին С-ի լավագույն աղբյուրն է։ Ընդամենը 100 գրամ չիչխանը պարունակում է մոտ 450 մգ վիտամին С, ինչն ավելի քան տասն անգամ գերազանցում է ցիտրուսային մրգերում պարունակվող վիտամին С-ի ցուցանիշը։ Բացի այդ, այն հարուստ է նաև վիտամին Е-ով, բետա-կարոտինով, որն օրգանիզմում վերածվում է վիտամին А-ի, В խմբի որոշ վիտամիններով և հակաօքսիդանտային հատկություններով օժտված ֆլավոնոիդներով։ Կենսական նշանակություն ունեցող այս նյութերի համադրությունն ամրապնդում է իմունային համակարգն ու պաշտպանում է վարակումներից։ Ընդ որում՝ չիչխանը նույնքան օգտակար է նաև սառեցված վիճակում օգտագործելու դեպքում։

Նյութի աղբյուրը՝ medikforum.ru

Նյութի աղբյուրը՝