ՕԳՏԱԿԱՐ

Ինչպես բուժել բերանի անկյուններում առաջացած ճաքերը. արդյունավետ բնական միջոցներ

Բերանի անկյուններում առաջացած ցավոտ ճաքերը կարող են շատ տհաճ «անակնկալ» դառնալ յուրաքանչյուրի համար՝ բացասաբար անդրադառնալով կյանքի որակի վրա։ Նման ճաքերը կարող են պայմանավորված լինել տարբեր պատճառներով, այդ թվում՝ եղանակային անբարենպաստ պայմաններով, սխալ սննդակարգով, մեխանիկական ազդեցությամբ, որոշակի սննդարար նյութերի պակասով կամ օրգանիզմի ջրազրկմամբ, սակայն անկախ առաջացման պատճառից նման խնդիրը ենթադրում է անհապաղ բուժում, քանի որ կարող է տհաճ հետևանքներ ունենալ։

Загрузка...

Սովորաբար նման ճաքերի դեպքում մասնագետները խորհուրդ են տալիս կիրառել ապաքինման գործընթացն արագացնող ու վարակի ներթափանցումը կանխող դեղամիջոցներ, սակայն կարելի է օգտագործել նաև նմանատիպ ազդեցությամբ օժտված որոշ բնական միջոցներ, որոնք նույնքան արդյունավետ են, սակայն շատ ավելի հասանելի։ Ձեր ուշադրությանն ենք ներկայացնում դրանցից երկուսը:

  • 1 ճաշի գդալ վաղենակի ծաղիկներին ավելացնել 1 բաժակ եռման ջուր, 10 րոպե դնել թույլ կրակին, այնուհետև թրմել մինչև հեղուկը սառչի։ Ստացված եփուկն անհրաժեշտ է օգտագործել վնասված մաշկին թրջոցներ դնելու համար։
  • 1 ճաշի գդալ մանրացրած կաղնու կեղևին ավելացնել ջուր, 20 րոպե եռացնել, այնուհետև քամել, թողնել հեղուկը սառչի և օգտագործել վնասված մաշկին թրջոցներ դնելու համար։

Այս բուժիչ միջոցներն անչափ արդյունավետ են, սակայն հարկ է հիշել, որ որոշ դեպքերում նման ճաքերը պայմանավորված են լինում օրգանիզմի ներքին խնդիրներով, ուստի վնասվածքներից ազատվելու և խնդրի կրկնությունից խուսափելու համար հարկավոր է նախ պարզել դրա առաջացման պատճառն ու ազատվել դրանից։ Սա է պատճառը, որ առաջին հերթին հարկավոր է բուժզննում անցնել, քանի որ միայն փորձառու մասնագետը կկարողանա պարզել խնդրի պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ aif.ru

Նյութի աղբյուրը՝