ՊԱՏԱՀԱՐՆԵՐ

Ավտովթար Արմավիրի մարզում. բժիշկ-ակադեմիկոսը տեղում մահացել է


Այսօր՝ հուլիսի 28-ին, ողբերգական ավտովթար է տեղի ունեցել Արմավիրի մարզում։ Ժամը 07։30-ից 08։00-ն ընկած ժամանակահատվածում Նվեր Կիրակոսյանն իր վարած Nissan Pathfinder մակնիշի 77 DD 377 համարանիշի ավտոմեքենայով Արգինա-Քարակերտ ավտոճանապարհի 5 կմ հատվածում՝ Քարակերտ գյուղի վարչական տարածքում, դեպի Երևան ընթանալիս դեռևս անհայտ պայմաններում դուրս է եկել ճանապարհի երթևեկելի գոտուց, բախվել հսկայական քարերին, մի քանի պտույտ շրջվելով՝ հայտնվել ձորակում։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Ն. Կիրակոսյանը, ում դին հայտնաբերվել է ավտոմեքենայից մոտ 20 մետր հեռավորության վրա, տեղում մահացել է։

Загрузка...

Մահացածը ճանաչված ու սիրված բժիշկ է եղել, ով բազմաթիվ կյանքեր է փրկել։ Նա բժիշկ-ակադեմիկոս էր, «Նվեր-Անի» բժշկական դիագնոստիկ կենտրոնի տնօրենը։

mamul.am

Loading...